Tónlistarmaðurinn og Eurovision sigurvegarinn Salvador Sobral segir frá því á Youtube að hann neyðist til þess að leggja tónlistarferilinn á hilluna vegna heilsufars síns.
Vitað var um hjartasjúkdóm Sobral þegar hann vann söngvakeppnina í Kænugarði í maí. Nú virðist hinsvegar sem Sobral þurfi að játa sig sigraðan og segist hann ætla láta vísindin um líkama sinn í bili.
Sobral mun taka sér góða pásu frá tónlistarferli sínum en hann ætlar sér ekki að vera of lengi í burtu og því er ekki útilokað að Evrópa fái að heyra í honum fljótlega aftur. Þangað til getum við huggað okkur við þetta myndband.