Kóalabjörn í Ástralíu var heldur betur heppinn að komast lífs af eftir að hafa farið í yfir 15 kílómetra bíltúr. Kóalabjörninn hafði komið sér fyrir bak við eitt dekkið þegar bíllinn keyrði af stað. 

Birninum var bjargað eftir að bílstjórinn heyrði hann væla og hringdi í símanúmer sem ætlað er fyrir kóalabirni í vandræðum. 

Slökkviliðsmenn náðu birninum eftir að hafa fjarlægt dekkið af bílnum en um var að ræða sex ára gamla birnu sem var nýbúin að eignast afkvæmi. Afkvæmið var hvergi að finna. Var henni sleppt út í náttúruna eftir björgunaraðgerðina.