Undir trénu óskarverðlaunaframlag Íslands

Kvikmyndin var frumsýnd hér á Íslandi fyrr í þessum mánuði. …
Kvikmyndin var frumsýnd hér á Íslandi fyrr í þessum mánuði. Steinþór H. Steinþórsson, sem leikur aðalhlutverkið, sést hér með leikstjóranum Hafsteini Gunnari Sigurðssyni. mbl.is/Hanna

Kvikmyndin Undir trénu í leikstjórn Hafsteins Gunnars Sigurðssonar verður framlag Íslands til Óskarsverðlaunanna 2018.

Félagsmenn í Íslensku kvikmynda- og sjónvarpsakademíunni (ÍKSA) kusu í rafrænni kosningu sem lauk á miðnætti í gær, 20. september. Kosið var á milli fjögurra íslenska kvikmynda sem uppfylltu skilyrði bandarísku akademíunnar til keppni um erlenda Óskarinn, að því er ÍKSA segir í tilkynningu.

Umræddar kvikmyndir voru:

  • Hjartasteinn í leikstjórn Guðmundar Arnars Guðmundssonar 
  • Undir Trénu í leikstjórn Hafsteins Gunnars Sigurðassonar 
  • Ég man þig í leikstjórn Óskars Þórs Axelssonar
  • A Reykjavik Porno í leikstjórn Graeme Maley

Félagar í Íslensku kvikmynda- og sjónvarpsakademíunni eru tæplega 500 talsins. Þetta er í 38. sinn sem Ísland sendir framlag til Óskarsverðlaunanna, en íslenskar myndir hafa tvisvar verið tilnefndar í úrslit; kvikmyndin Börn náttúrunnar eftir Friðrik Þór Friðriksson árið 1991 og stuttmyndin Síðasti bærinn eftir Rúnar Rúnarsson árið 2006.

Undir trénu er framleidd af Grímari Jónssyni, Sindra Páli Kjartanssyni og Þóri Snæ Sigurjónssyni fyrir framleiðslufyrirtækið Netop Films. Handritið er eftir Hafstein Gunnar Sigurðsson og Huldar Breiðfjörð.




mbl.is
Fleira áhugavert

Stjörnuspá »

Hrútur

Sign icon Leitaðu nýrra leiða til þess að auðga líf þitt og bæta. Einhver þér eldri getur miðlað þér af reynslu sinni.
síðasta vika Vinsælustu hljóðbækurnar
1
Laila Brenden
3
Kolbrún Valbergsdóttir
4
Sigríður Dúa Goldsworthy
5
Arnaldur Indriðason
Fleira áhugavert

Stjörnuspá »

Hrútur

Sign icon Leitaðu nýrra leiða til þess að auðga líf þitt og bæta. Einhver þér eldri getur miðlað þér af reynslu sinni.
síðasta vika Vinsælustu hljóðbækurnar
1
Laila Brenden
3
Kolbrún Valbergsdóttir
4
Sigríður Dúa Goldsworthy
5
Arnaldur Indriðason