Talsmenn raunveruleikastjörnunnar Caitlyn Jenner hafa staðfest að ungstirnið Kylie Jenner, dóttir Caitlyn, eigi von á sínu fyrsta barni.
Fregnir af þunguninni bárust fyrir helgi, en stjarnan unga hefur þó sjálf ekki tjáð sig um ástand sitt opinberlega.
Sögusagnir voru uppi um að Caitlyn hefði frétt af ófæddu barnabarninu í gegnum fjölmiðla, en eins og sjá má á frétt Mirror hafa talsmenn hennar greint frá því að það á ekki við rök að styðjast.
„Það eina sem ég get sagt er að það var fyrir nokkru,“ sagði talsmaður Jenner og átti þá við að stjarnan hefði fengið fregnir af þunguninni áður en málið komst í fjölmiðla.
Þá heldur vefmiðillinn TMZ því fram að Jenner beri stúlkubarn undir belti og sé komin fimm mánuði á leið.
Frétt mbl.is: Berar ekki bumbuna