Fæstir myndu láta sér detta í huga að vaða með lúkurnar ofan í popppoka Harrys Bretaprins. Ung stúlka, sem sat við hlið prinsins á Invictus-leikunum, lét sér þó fátt um finnast og nældi sér í svolítið poppkorn til að maula.

Prinsinn, sem var í hrókasamræðum við sessunaut sinn, var fremur lengi að kveikja á perunni og gat litla stúlkan svo til borðað fylli sína áður en Harry áttaði sig á því að hann sæti við hlið bíræfins poppþjófs.

Myndband af atvikinu hefur vakið mikla eftirtekt í netheimum, og eru flestir sammála um að litla stúlkan sé mikil hvunndagshetja.

Tengdar fréttir

Kóngafólk í fjölmiðlum

Lúðvík prins fagnar sex árum

• Í fyrstu heimsókn eftir krabbameinsgreiningu Katrínar
• Þráir að hitta barnabörnin sín
• Nýgift og eiga von á barni
• Karl opnar Balmoral-kastala og seldist upp strax

» Fleiri tengdar fréttir

• Blogga um frétt