Glee-leikarinn Mark Salling er sagður hafa reynt að fremja sjálfsmorð þann 22. ágúst með því að skera sig á púls á báðum höndum. Atvikið á að hafa átt sér stað einum og hálfum mánuði áður en hann gerði samning við saksóknara vegna ákæru sem snérist um vörslu á barnaklámi.
Samkvæmt TMZ missti Salling sig og öskraði á sambýling sinn sem hringdi síðan á neyðarlínuna þar sem hann sá Salling blæða. Salling var fluttur með sjúkrabíl á spítala þar sem hann gekkst undir geðmat. Í kjölfari var hann fluttur í meðferð fyrir fólk með sálfræðileg vandamál.
Lögfræðingar Salling neita sögunni en vilja þó ekki gefa upp hvað sé rangt við hana. Þeir segja Salling vera í fínu lagi líkamlega og sé að vinna í sjálfum sér.