Söngkonan Cher mun birtast á hvíta tjaldinu næsta sumar þegar ABBA-myndin Mamma Mia 2: Here We Go Again verður frumsýnd.
Cher gaf frá sér vísbendingu á Twitter um helgina og síðan þá hefur Variety fengið það staðfest að hún fari með hlutverkið. Ekki er vitað nákvæmlega hvaða hlutverk Cher hefur tekið að sér.
Maryl Streep, Colin Firth, Amanda Seyfried og Christine Baranski snúa öll aftur í framhaldsmyndina. Myndin flakkar í tíma og mun meðal annars Lily James leika Donnu þegar hún var ung.
Cher er ekki óvön hvíta tjaldinu en hún vann meðal annars Óskarsverðlaun fyrir hlutverk sitt í Moonstruck.
— Cher (@cher) October 15, 2017