Leikkonan Rose Leslie fékk unnusta sinn, leikarann Kit Harington, eitt sinn til þess að mæta sem Jon Snow í búningapartý. Harington leikur einmitt persónuna í Game of Thrones-þáttunum.
Samkvæmt Time greindi Harington frá þessu í nýlegu viðtali. Þar segir hann að Leslie hafi hótað honum með því ást hennar í hans garð mundi deyja ef hann færi ekki í búninginn.
Harington vill ekki meina að hann hafi slegið í gegn í búningnum sem var að sjálfsögðu ekki alvöru búningurinn heldur keyptur út í búð. „Þú ert sorglegur maður. Þú kemur í partý klæddur sem persóna þín,“ segir Harington að fólk hafi hugsað.