Tónlistarmaðurinn Sam Smith ræddi um um kynhneigð sína og kynferði sitt í nýlegu viðtali í tilefni þess að nýjasta platan hans fjallar meðal annars um þetta.
Smith sem er 25 ára kom út úr skápnum árið 2014 en hann segir að ástæðan fyrir því að hann kom ekki fyrr út úr skápnum sé sú að hann var hræddur við að segja eitthvað vitlaust og móðga. „Ég var bókstaflega eini samkynhneigði maðurinn í bænum,“ segir Smith sem bjó í litlum bæ áður en hann fluttist til Lundúna samkvæmt E! Online.
Smith viðurkennir í viðtalinu að hann elski hælaháa skó og segist eiga mikið af þeim heima. „Ég veit ekki hver titillinn ætti að vera, en mér líður jafn mikið eins og konu eins og ég er karlmaður,“ segir Smith þegar blaðamaðurinn spyr hann um kynferði hans.
Í viðtalinu segist Smith ekki eiga neinn kærasta en hann hefur þó sést láta vel að 13 Reasons Why-stjörnunni Brandon Flynn að undanförnu.