Leikkonan Kim Cattrall var rétt komin yfir fertugt þegar hún hreppti hlutverk Samönthu Jones í sjónvarpsþáttunum Sex and the City. Hún segir að þættirnir hafa átt stóran þátt í því að hún eignaðist ekki börn.
Samkvæmt Daily Mail kennir Cattrall erfiðum vinnutíma um ákvörðunina. Þegar tökur stóðu yfir vann hún kannski 19 klukkustundir á sólarhring. Vinnuvikunni lauk á laugardagsmorgni og hófst fyrir klukkan fimm að morgni á mánudegi.
Hún segir jafnframt í viðtalinu að hún hafi aldrei verið vinkona þeirra Söruh Jessicu Parker, Kristinu Davis og Cynthiu Nixon. Cattrall segir að þær hafi bara verið samstarfsfélagar og er ánægð með það fyrirkomulag, þá sé hægt að draga skýra línu á milli vinnu og einkalífs. Eina sem þær áttu sameiginlegt voru þættirnir.