Svo virðist sem Katrín hertogaynja sé byrjuð að jafna sig á þeirri miklu morgunógleði sem hrjáði hana fyrstu viku meðgöngunnar. Hún greindi frá því í dag að hún væri að venjast því að skilja Georg eftir í skólanum.
Hertogaynjan var ekki nógu hraust til þess að fylgja syni sínum í skólann fyrsta skóladaginn hans í september en hún virðist öll að vera að koma til. Katrín hefur mætt á sífellt fleiri opinbera viðburði síðustu vikurnar og segir Hello að hún skipuleggi daginn sinn í kringum skóladag Georgs.
„Sem móðir sem er að venjast því að skilja barnið sitt eftir við skólahliðið er mér ljóst að það þarf heilt samfélag til þess að ala upp barn,“ sagði Katrín í ræðu sinni.