Apaungi í Bangkok hugsar sig kannski tvisvar um áður en hann ákveður að stela kaffibolla aftur. Apinn missti meðvitund í tíu klukkustundir eftir að hafa innbyrt sterkt kaffi. 

Mirror greinir frá því að apinn hafi hoppað á mótorhjól ferðamanns og drukkið kaffi hans. Hann stökk síðan af mótorhjólinu og lyppaðist niður. Talið er að apaunginn hafi ætlað að herma eftir ferðamanninum með því að drekka kaffið. Atvikið vakti hræðslu meðal nærstaddra ferðmanna sem voru þó viðbragðsgóðir og dýralæknir var fljótur á svæðið og framkvæmdi fyrstu hjálp.

Apinn vaknaði ekki fyrr en klukkan þrjú nóttina eftir og hafði þá verið meðvitundarlaus í tíu tíma. Þegar fullvíst var að hálfsárs gamli apinn hefði náð sér var hann látinn aftur laus.  

Tengdar fréttir

Krúttleg dýr

Úr fatahönnun í nám í dýrahjúkrun

• Íslenskir hestar og hundar frá Gasa á JFK-flugvelli
• Blóðgjöfin sem bjargaði hundslífi
• Hundur gaf hundi blóð
• Lúrði á staurnum og opnaði augun annað slagið

» Fleiri tengdar fréttir

• Blogga um frétt