Krufning Rich Piana ófullnægjandi

Rich Piana lést í sumar.
Rich Piana lést í sumar.

Krufning á vaxtarræktartröllinu og fyrrverandi tengdasyni Íslands, Rich Piana, er sögð ófullnægjandi í meginatriðumi. Piana lést í sumar 18 dögum eftir að hann missti meðvitund á heimili sínu. 

Piana var með hjartasjúkdóm, þetta er meðal þess sem kemur fram í skýrslu sem fréttaveitan TMZ hefur undir höndum. 20 flöskur af sterum fundust á heimili Piana en ekki er vitað hvort það hafði áhrif á lát hans. 

Það kemur einnig fram að Piana tók duft sem átti að taka fyrir æfingu í nefið eins og um kókaín væri að ræða. Rannsóknarmenn fundu hvíta duftið í íbúð Piana en kærasta hans telur ekki að duftið hafi verið ólöglegt. Duftið er sagt hafa verið auglýst sem orkugefandi koffeinríkt duft. 

Rich Piana var giftur Söru Heimisdóttur en þau hættu saman í fyrrasumar. Í sumar greindi hún frá því að hún væri lagalega séð enn gift Piana. 

Rich Piana og Sara Heimisdóttir.
Rich Piana og Sara Heimisdóttir. Morgunblaðið/Ingólfur Guðmundsson
mbl.is