Raunveruleikastjarnan Kim Kardashian og tónlistarmaðurinn Kanye West eiga von á sínu þriðja barni en nú með hjálp staðgöngumóður. Í spjallþætti Ellenar DeGeneres ljóstraði hún upp kyni barnsins.
Kardashian var að segja frá steypiboði sínu sem hafi verið haldið að hluta til til þess að elsta barn hennar, North West, áttaði sig á því hvað væri í gangi. Kardashian lýsti því hvernig dóttir hennar hafi spurt hana hvort hún mætti leika með dótið sem Kardashian fékk að gjöf í boðinu þar sem litla systir væri enn ekki komin.
DeGeneres benti henni þá á að hún hafði sagt frá kyni barnsins og viðurkenndi þá raunveruleikastjarnan að þau ættu von á stelpu. North West er ánægð með það en fyrir á hún einn bróður, Saint West.