Það er ýmislegt sem hefur komið upp á í aðdraganda tískusýningar undirfatarisana Victoria's Secret. Ein vinsælasta fyrirsæta heims, Gigi Haidid, hefur hætt við þátttöku en einnig þurfti að finna staðgengil fyrir söngkonuna Katy Perry.
Undirfatasýningin fer fram í Sjanghaí í Kína á mánudaginn en eitthvað virðist staðsetningin vera óhentug fyrir stórstjörnurnar. Page Six greinir frá því að söngkonan Katy Perry fái ekki vegabréfsáritun til þess að komast inn í landið. Ástæðan mun vera sú að Perry klæddist kjól með sólblómum á tónleikum sínum í Taívan árið 2015. Sólblómið var tákn Sunflower Student Movement, hreyfingar sem mótmælti viðskiptasamningi Kína árið 2014. Hún veifaði einnig fána Taívan á tónleikunum. Harry Styles er sagður hlaupa í skarðið fyrir Perry.
Fyrirsætan Gigi Hadid hefur þurft að hætta við þátttöku í sýningunni. Er ástæðan talin vera sú að í febrúar birtist myndband af henni á Instagram með kex sem líktist buddah og hermdi hún eftir honum með því að ranghvolfa í sér augunum. Fyrirsætan fékk mikla gagnrýni í kjölfarið. Þegar tilkynnt var um þátttöku hennar voru kínverskir notendur á samfélagsmiðlum ekki ánægðir.
Fleiri fyrirsætur eru sagðar hafa lent í vandræðum eins og Adriana Lima og enn aðrar hafa ekki fengið vegabréfsáritun.