Tennisstjarnan Serena Williams gekk að eiga unnusta sinn, Alexis Ohanian, síðastliðinn fimmtudag. Tennis spilaði óhjákvæmilega stóran hluta í veislunni og fóru veislugestir til að mynda heim með litla verðlaunagripi.
Congratulations to the queen @serenawilliams on her wedding 😊😊 pic.twitter.com/6rlnSo2g7P
— TheBizOfEntAfrica (@EntBizAfrica) November 18, 2017
Athöfnin fór fram með pomp og prakt í Nýlistasafninu í New Orleans. Gestalistinn var heldur ekki af verri endanum en meðal gesta voru Kim Kardashian, Eva Longoria, Jay-Z og Beyonce.
Svo virðist sem hin síðastnefnda hafi stolið senunni, en það er að minnsta kosti mat slúðurmiðla vestanhafs.
Beyonce skartaði „vöffluðu“ hári alveg niður á rass og svo virðist sem hún hafi stolið athyglinni af brúðinni, að minnsta kosti um stund.
En þá er það stóra spurningin: Eru vöfflur komnar aftur í tísku?