Ofurfyrirsætan Heidi Klum er vön því að stela senunni og það gerði hún enn og aftur þegar hún mætti í flegnum kjól á Bandarísku tónlistarverðlaunin í gær.
Fáir mættu í eins flegnu og Klum en kjóllinn sem hún klæddist var fleginn niður á maga auk þess sem kjóllinn var vel opinn í bakið. Flegin föt eru að verða einkennismerki fyrirsætunnar sem nýtir nánast hvert tækifæri til þess að klæðast flegnu.
Í september klæddist hún eftirminnilega rauðum samfestingi á Emmy-verðlaunahátíðinni. Samfestingurinn var opinn niður að nafla.