Fer fögrum orðum um Íslandsferðina

Leikarinn Joe Manganiello fer fögrum orðum um Íslandsferð sína á dögunum í viðtali við People. Leikarinn, sem var á fullu allan tímann miðað við myndir frá honum á Instagram, segist ekki hafa séð neitt þessu líkt áður. 

Magnaniello er mikill útivistamaður og tekur fram að það séu fáir staðir í heiminum eftir sem eru jafnóspilltir og Ísland og líkir landinu við það sem fólk les um í barnabókum. 

Leikarinn fór meðal annars í ísklifur, fjallahjólaferð, á kajak og borðaði besta fisk sem hann hefur smakkað. Í fjallgöngu sem hann fór í segir hann að tónlistarmenn á borð við Björk og Gus Gus hafi veitt honum kraft. 

Þrátt fyrir að ferðin hafi verið skemmtileg og hann væri til í að fara aftur leggur hann áherslu á að hann vilji vera heima og eyða tíma með eiginkonu sinni en Manganiello er giftur Modern Family-stjörnunni Sofiu Vergara. 

• Blogga um frétt