Landsmenn munu án efa flykkjast í bíó á nýjustu Stjörnustríðsmyndina The Last Jedi um helgina. Stóra spurningin er þá hvort bíógestir muni koma auga á Bretaprinsana þá Vilhjálm og Harry.
Prinsarnir eru sagðir leika stormsveitarmenn í myndinni en vegna búninganna verður ekki auðvelt að koma auga á prinsana. Það fór hins vegar ekki á milli mála þegar þeir mættu á frumsýningu myndarinnar í London í gær, þriðjudag.
Í tilefni myndarinnar rifjaði The Telegraph upp söguna um þátttöku prinsanna í myndinni. Í apríl árið 2016 heimsóttu þeir bræður Pinewood-kvikmyndaverið þar sem stór hluti myndarinnar var tekinn upp.
Leikarinn John Boeyga var orðinn þreyttur á orðrómnum um þátttöku leikaranna þegar leið á frumsýninguna og staðfesti eiginlega þátttöku þeirra í útvarpsviðtali á BBC í byrjun nóvember. „Ég hef fengið nóg af þessum leyndarmálum,“ sagði Boyega. „Þeir komu á settið. Þeir voru þarna. Ég er þreyttur á því að fela það. Ég held að því hafi var lekið hvort sem er.“
Blaðamaður The Telegraph vill meina að prinsarnir birtist í atriði þar sem stormsveitarmennirnir ávíta Boyega (Finn) og leikarann Benicio Del Toro (DJ). Vilhjálmur þykir frekar hávaxinn og ef það er hægt að greina hann í myndinni ætti hæðin að koma upp um hann.