Söngvarinn Bergþór Pálsson varð fyrir því óhappi að detta í hálkunni og er kominn í gips. Hann þakkar Slysadeildinni fyrir góða þjónustu.
„Takk Slysadeild. Datt á úlnliðinn í hálkunni. Skemmst er frá því að segja að þjónusta starfsfólks Slysadeildar, yndislegt viðmót og örugg fagmennska, var til fyrirmyndar, allt frá móttökufólki til læknis, röntgentæknis og hjúkrunarfræðings sem vafði gipsið. Ég þekki ekki nöfn þeirra, en þetta er fólk sem vinnur undir miklu álagi og á skilið að fá klapp á bakið.
Og já, ENGAR ÁHYGGJUR, þetta er ekki alvarlegt, má klippa eftir 2 vikur,“ segir hann á facebook-síðu sinni.