Leikararnir Alec Baldwin og Scarlett Johansson léku Trump feðginin Donald og Ivönku Trump á dögunum í grínþættinum Saturday Night Live. Johansson þykir skemmtileg í hlutverki Ivönku Trump.
Baldwin er fyrir löngu búinn að festa sig í sessi sem afbragðs Trump-eftirherma og er nú vonast tl þess að Johansson muni birtast oftar sem forsetadóttirin þar sem hún á í ástarsambandi við einn handritshöfunda þáttanna.
Johansson og Saturday Night Live-handritshöfundurinn Colin Jost hafa verið að hittast í þónokkurn tíma og mættu í fyrsta skipti saman á opinberlegan viðburð í nóvember. Johansson sótti um skilnað snemma á árinu frá eiginmanni sínum, Romain Dauriac.
This Scarlett Johansson appearance on @nbcsnl is everything. #SNL pic.twitter.com/WhZyhsTz2T
— OfficialWilly2.0 (@therealwill17) December 17, 2017