Hefði viljað dvelja lengur á Íslandi
Jóhann Ólafsson
Setja bókamerki
Portúgalski knattspyrnukappinn Cristiano Ronaldo og kærasta hans, Georgina Rodriguez, yfirgáfu Ísland síðdegis eftir stutt frí hér á landi. Starfsmaður á Keflavíkurflugvelli sagði að kappinn hefði verið eldhress við brottför, skömmu áður en hann hélt af landi brott í einkaþotu.
„Ronaldo var í mjög góðu skapi en spurði okkur hvernig það væri hægt að búa á svona köldu landi,“ sagði Elizabeth Tinna Arnardóttir en hún fékk mynd af sér með Ronaldo á flugvellinum.
Hún kveðst fyrst hafa verið mjög undrandi á því að Ronaldo væri að tala við hana og hún brosti bara og kinkaði kolli. „Hann er virkilega myndarlegur og ég gat ekki hætt að horfa á hann,“ sagði Elizabeth.
„Hann sagðist elska að vera á Íslandi og hefði óskað þess að getað verið hér lengur,“ sagði Elizabeth en Ronaldo spurði hvort hún væri virkilega frá Íslandi því hún liti út fyrir að vera frá öðru landi:
„Ég útskýrði fyrir honum að ég væri hálfsuðurafrísk, hálfíslensk. Hann varð mjög hissa og spurði hvað ég væri að gera hérna. Við töluðum aðeins meira um kuldann og hann sagði okkur að koma með til Madrídar,“ sagði Elizabeth.
Þrjú og hálft ár fyrir skotárás í Úlfarsárdal
Benda á Samgöngustofu sem bendir út í heim
Mikil skjálftavirkni á landinu áhyggjuefni
„Það er skiljanlegt að þolinmæði þeirra sé lítil“
Innviðir þandir og álagið „gríðarlegt“
„Þögnin er ærandi“
Kveðst tala af virðingu: „Ég er enginn dóni“
Ekki byggt í takt við áform sveitarfélaga