Maður ruddist upp á sviðið þegar SuRie frá Bretlandi flutti framlag Breta, „You decide“ í Eurovision-keppninni í kvöld. Atriðið sást ekki vel í útsendingu RÚV en Gísli Marteinn Baldursson vakti athygli á trufluninni í lýsingu sinni.

Maðurinn kom inn á sviðið, tók hljóðnemann af SuRie og hún stóð bara eftir og klappaði saman höndunum. Öryggisverðir handsömuðu manninn strax að því loknu.

Vegna þess mun SuRie flytja lagið aftur eftir að öll lögin sem keppa í úrslitum hafa lokið flutningi sínum í kvöld. Hún var níunda í röðinni af 26 atriðum.

Uppfært kl. 20.38: SuRie mun ekki flytja lagið aftur en breski hópurinn ákvað að gera það ekki af því að þau sögðust vera stolt af frammistöðunni og því væri engin ástæða til að flytja lagið aftur.

Eurovision-aðdáendur voru hundóánægðir með manninn sem truflaði SuRie. Myndskeið af þessu má sjá hér að neðan:

Tengdar fréttir

Eurovision

Bashar Murad tekur þátt í Falastinvision

• „Þetta er ekki það sem þjóðin hefur verið að kalla eftir“
• Guðrún Dís lýsir Eurovision
• Heru Björk ekki spáð upp úr riðlinum
• „Brynjar getur sameinað alla þjóðina“

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Fallhlífastökkvarinn á líklega metið.