Spennan er farin að magnast fyrir utan Expo-höllina í Tel Aviv þegar rúm klukkustund er í að úrslit Eurovision hefjist. Flestir virðast hafa trú á góðu gengi Íslands en blaðakona frá Bretlandi óttast gjaldþrot ef Hatari vinnur og hún dvelji tvær vikur í Reykjavík næsta vor.

Blaðamaður mbl.is var að grípa sér pítu fyrir utan höllina þegar hann heyrði Breta ræða um sigurstranglegustu lögin í keppni kvöldsins. Lisa-Jayne Lewis sagði að hún væri ekki búin að „útiloka Ísland“.

Í framhaldinu sagði hún hins vegar að það myndi nánast jafngilda gjaldþroti ef keppnin færi fram í Reykjavík en fjöldi fólks dvelur í tvær vikur í borginni sem heldur Eurovision. 

„Á ég að selja nýra eða fót?“ sagði hún hlæjandi við blaðamann mbl.is sem svaraði því til að hún gæti haldið fætinum. Lewis benti á að hún hefði komið til Reykjavíkur og kunnað vel við sig. „Ég þurfti hins vegar að rétta af bankareikninginn eftir dvölina.“

Verðlag í Tel Aviv er svipað og í Reykjavík og sagði Lewis að það yrði erfitt fyrir hana ef keppnin færi fram í dýrum borgum tvö ár í röð. Hún vonast samt eftir því að Hatara gangi sem best og segir frábært að fá svona gott atriði á eftir „hræðilega atriðinu okkar“ eins og hún orðaði það.

Tengdar fréttir

Eurovision

Bashar Murad heldur tónleika á Íslandi

• Bashar Murad tekur þátt í Falastinvision
• „Þetta er ekki það sem þjóðin hefur verið að kalla eftir“
• Guðrún Dís lýsir Eurovision
• Heru Björk ekki spáð upp úr riðlinum

» Fleiri tengdar fréttir

• 1 blogg um fréttina

Bloggað um fréttina

• Jóhannes Ragnarsson: Tvöföld hætta, sem hljómar eins og hótun um hryðjuverkaárás