Fegurðardrottningin Arna Ýr Jónsdóttir segir frá því í hópnum Markaðsnördar á Facebook að Instagram-aðgangur hennar hafi verið hakkaður. Arna Ýr segir að búið sé að breyta netfanginu á bak við Instagram-síðuna og óprúttnir aðilar reyni nú að kúga af henni fé. Instagram-síða Örnu Ýrar er nú horfin fylgjendum hennar.
„Ég er mögulega á vitlausum stað en sakar ekki að prufa! IG mitt er hakkað og emailinu bak við það var breytt. Viðkomandi er að blackmaila mig og ég veit ekkert hvað ég á að gera,“ skrifar Arna Ýr í hópinn. „Ekkert help center virkar, ekkert support - ekkert. Ég er (eða var) með ca 55 þúsund fylgjendur þess vegna ætla þeir örugglega að selja accountinn og græða? Einhver lent í svipuðu eða getur gefið mér ráð?“
Arna Ýr birtir myndir máli sínu til stuðnings en þar sést hvernig henni er hótað því að aðgangur hennar verði seldur og myndum eytt.