Of Monsters and Salka?

Karitas Harpa Davíðsdóttir, Alexandra Dögg Einarsdóttir og Gyða Margrét Kristjánsdóttir hafa allar vakið mikla athygli í sjónvarpsþáttunum The Voice Ísland. Það verður ekkert lát á þegar stöllurnar mætast í ofureinvígi í næsta þætti, eins og sjá má í myndskeiðinu.

Sú hugmynd kom upp eftir frammistöðu stúlknanna að réttast væri að þær stofnuðu tríó. En hvað skyldi það heita? Of Monsters and Salka? AbbaSól? AmabadaSalka?

Kynnirinn Svavar Örn Svavarsson gerði heiðarlega tilraun til að semja um umboðsmannsstarfið á staðnum en var snarlega komið í skilning um að Salka sjálf færi í málið.

Þátturinn fer í loftið annað kvöld, föstudaginn 13. janúar, en aldrei þessu vant þurfa aðdáendur The Voice ekki lengi að bíða eftir næsta þætti því þessa helgi verða tveir hlutar ofureinvígjanna sýndir, síðari hlutinn á laugardagskvöld.

• Blogga um frétt