Fregnir herma að Harry Bretaprins sé búinn að kynna Katrínu, hertogaynju af Cambridge, fyrir nýju kærustunni sinni, Meghan Markle.

Samkvæmt frétt People átti fundurinn sér stað á þriðjudaginn í síðustu viku í Kensington-höll. Georg, prinsinn litli, er sagður hafa verið í skólanum á meðan fundurinn átti sér stað en Karlotta litla mætti galvösk með móður sinni á fundinn.

„Katrín hafði hlakkað til að hitta Meghan, en hún veit hversu mikilvægt það er fyrir Harry,“ er haft eftir ónefndum heimildamanni.

Fundurinn er sagður hafa gengið vel og á Markle að hafa verið yfir sig hrifin af Karlottu litlu. Vilhjálmur prins hafði sjálfur hitt Markle fyrir tveimur mánuðum.

Katrín Middleton hitti kærustu Harrys, Meghan Markle. AFP

Tengdar fréttir

Kóngafólk í fjölmiðlum

Þráir að hitta barnabörnin sín

• Nýgift og eiga von á barni
• Karl opnar Balmoral-kastala og seldist upp strax
• Hvernig á að tala við börn um veikindi
• Kápa Meghan kostaði yfir hálfa milljón

» Fleiri tengdar fréttir

• Blogga um frétt