Fyrir fjórum árum hvarf Florence Bock. Nú hefur hinsvegar komið í ljós að hún var inni á heimili sínu í New York allan þennan tíma. Það var ekki fyrr en í síðustu viku sem fólki varð ljóst hvað hefði komið fyrir hina 83 ára gömlu Bock.
Líkamsleifar Bocks, beinahrúga og höfuðkúpa, fundust við hliðina á stafnum hennar þegar hópur fólks fór inn í íbúðina, sem er í Bronx, til þess að þrífa hana fyrir nýjan eigenda hennar.
Verktaki keypti húsið nýverið þegar lögreglan hafði lýst því yfir að Bock væri látin, þar sem ekkert hefði til hennar spurst í fjögur ár.
Réttarmeinafræðingar munu í dag rannsaka beinin til að komast að því hvað dró hana til dauða. Lögreglan telur hinsvegar ekki að glæpsamlegt athæfi hafi dregið hana til dauða.