Fannst á heimili sínu eftir að hafa verið týnd í fjögur ár

Fyrir fjórum árum hvarf Florence Bock. Nú hefur hinsvegar komið í ljós að hún var inni á heimili sínu í New York allan þennan tíma. Það var ekki fyrr en í síðustu viku sem fólki varð ljóst hvað hefði komið fyrir hina 83 ára gömlu Bock.

Líkamsleifar Bocks, beinahrúga og höfuðkúpa, fundust við hliðina á stafnum hennar þegar hópur fólks fór inn í íbúðina, sem er í Bronx, til þess að þrífa hana fyrir nýjan eigenda hennar.

Verktaki keypti húsið nýverið þegar lögreglan hafði lýst því yfir að Bock væri látin, þar sem ekkert hefði til hennar spurst í fjögur ár.

Réttarmeinafræðingar munu í dag rannsaka beinin til að komast að því hvað dró hana til dauða. Lögreglan telur hinsvegar ekki að glæpsamlegt athæfi hafi dregið hana til dauða.

• 5 blogg um fréttina

Bloggað um fréttina

• Stefán Friðrik Stefánsson: Kuldaleg örlög
• Púkinn: Týnd í fjögur ár á Íslandi?
• Egill Rúnar Sigurðsson: Táknmynd nútímans?
• Sverrir Þorleifsson: Ekki er öll vitleysan eins...
• Sigrún Einars: Halló!