Amma dansar hip-hop

Það eru ekki allar ömmur eins og Wu Ying sem hefur hafið dansferil sem hip-hop dansari 71s árs að aldri. Hún kemur nú fram vítt og breitt í Kína til að sýna hip-hop dans.

Fyrir fjórum árum hafði Wu ekki hugmynd um hvað hip-hop eða rapp var. Hún kynntist dansinum þegar hún var að fylgjast með hip-hop danskeppni í sjónvarpinu árið 2003. Hún segir að bæði tónlistin og óheftar danshreyfingarnar hafi höfðað mjög til sín.

Síðan þá hefur hún verið mjög dugleg við að æfa hip-hoppið í Peking og ekki hefur staðið á árangrinum. Hún hefur m.a. unnið til fjölda verðlauna í danskeppnum.