Bannað að borða á nærbuxunum
Setja bókamerki
Tólf ára drengur, nemandi í Vallbergaskóla í Laholm í Svíþjóð fær ekki að setjast til borðs með öðrum nemendum í matsalnum þar sem hann hefur neitað að hysja upp um sig buxurnar.
„Ef maður situr nánast á nærbuxunum á maður ekki að borða í matsalnum," sagði skólastjórinn, Birgitta Hellstam sagði í samtali við Dagens Nyheter í gær.
Hún sagði að drengurinn hefði verið beðinn um að girða sig betur í brók áður en hann færi inn í matsalinn en að þessu sinni hefði hann neitað því og því var honum ekki hleypt inn í matsalinn til að snæða með öðrum nemendum.
„Mér finnst það hvorki vera mjög þrifalegt né huggulegt þegar menn eru með buxurnar svo langt niðrum sig að maður situr nánast á nærbuxunum," sagði Hellstam.
Nemandinn sagði sjálfur í samtali við Hallands-Posten að sér þætti sú ákvörðun að hann snæddi hádegisverðinn heima hjá sér vegna buxnadeilnanna fáránleg.
„Af hverju þurfa þau að horfa á mig, þau geta bara horft á einhvern annan," sagði hann.
Verið er að kanna hvort brottvísun nemandans brjóti bága í við sænsku skólalögin.
90 milljóna ferð austur: „Hrokinn yfirgengilegur“
Forsetafylgismenn dregnir í dilka
Hafa náð tökum á eldinum
Byggingarheimildir verði tímabundnar
„Sárt að horfa upp á þetta“
Myndir: Stórbruni í Kaupmannahöfn