Veröld/Fólk | Veraldarfréttir | mbl | 14.4.2008 | 15:34

Vonbrigði á brúðkaupsnóttinni

Þýskur bóndi, sem kvæntist konu sem hann kynntist á netinu, hefur farið fram á að hjónabandið verði ógilt þar sem hann hafi komist að því á brúðkaupsnóttinni að eiginkonan var karlmaður.

Wolfgang Zober, 55 ára, segist ekki hitta konur oft þar sem hann hafi nóg með að sinna búskapnum. Því hafi vinur hans bent honum á möguleika netsins. „Ég var alsæll þegar ég komst í samband við Randy Victoria, 38 ára, og ekki varð ég síður glaður er ég hitti hana og komst að því að hún var jafn yndisleg og myndirnar af henni sýndu. Hún vissi meira að segja margt um landbúnað. Ég gerði mér hins vegar ekki grein fyrir því að skýringin væri sú að hún var fyrrverandi bóndi," segir Zober.

Á Ananova vefnum kemur fram að hjónakornin hafi ekki gengið lengra en að kyssast og knúsast áður en þau gengu í hjónaband. En á brúðkaupsnóttinni tjáði eiginkonan Zober að hún væri með karlkynskynfæri og héti í raun Ralf. Segist Zober hafa orðið miður sín þegar sannleikurinn kom í ljós.

„Það eina sanna sem hún sagði mér var að hún ætti tvö börn, en hún er faðir þeirra - ekki móðir."

Fleira áhugavert

Fylgið ennþá dreift en fáir óráðnir

50% fjölgun kærumála og aukið álag

Ráðuneytisstjórar hafa stólaskipti

Önnur stunguárás í Sydney

Félagsstarf »

Stjörnuspá »

Hrútur

Eitt og annað hefur rekið á fjörur þínar, sem fær þig til að efast um þá þú hefur treyst hingað til. Yfirboðarar þínir munu koma þér á óvart næstu vikur.

síðasta vika

Vinsælustu hljóðbækurnar

Heimkoma

Lone Theils

Tafl fyrir fjóra

Birgitta H. Halldórsdóttir

Vöffluhúsið í fjöllunum

Karin Härjegård

Frost og aska

Inger Wolf

Barnfóstran

Sofie Sarenbrant