Sofandi flugmenn fóru framhjá áfangastaðnum
Setja bókamerki
Flugvél frá Air India á leið frá Jaipur til Mumbai flaug framhjá ákvörðunarstaðnum með báða flugmennina steinsofandi í stjórnklefanum. Þeir rumskuðu ekki fyrr en áhyggjufullur flugumferðarstjóri vakti þá.
Þá var vélin komin hálfa leið til Goa, segir Times of India. Þetta atvik átti sér stað fyrir um hálfum mánuði. Um eitt hundrað farþegar voru um borð í vélinni, sem lagði upp frá Dubai hálfri annarri klukkustund eftir miðnætti og millilenti í Jaipur um sjö að morgni. Eftir flugtak þar sótti syfja að flugmönnunum, enda búnir að sitja við stýrið lengi.
Ekki liggur fyrir hvort þeir höfðu verið á flugi áður en ferðin frá Dubai hófst.
Vélin var á sjálfstýringu á leið til Mumbai, og þegar hún var komin inn á svæði flugumferðarstjóra þar gerðu þeir sér fljótlega grein fyrir því að áhöfnin brást ekki við neinum tilmælum og hóf ekki lækkun eins og ráð hafði verið fyrir gert, heldur hélt áfram í sömu hæð og stefnu.
Flugumferðarstjóri í Mumbai sagði frá því að þegar ekkert heyrðist frá vélinni hafi kviknað grunur um flugrán, en síðan hafi verið kallað til vélarinnar á sérstakri tíðni sem ekki er notuð nema í þeim tilvikum þegar ekkert samband næst með hefðbundnum hætti.
Þegar vél er kölluð upp með þessari tíðni heyrist gjallandi hljóð í stjórnklefanum. Það var þessi gjallandi sem vakti flugmenn Air India-vélarinnar.
Katrín: Jóhönnustjórnin talaði máli Íslands
Lögreglan rannsakar andlát konu í fjölbýlishúsi
Fiskikóngurinn: „Mér fannst sárt að heyra það“
Átta morðmál á aðeins tólf mánuðum
/frimg/1/48/63/1486389.jpg)
Halla ekki verið að taka harða afstöðu
Sáttur við sína stöðu og finnur fyrir meðbyr
Áverkar bentu til manndráps
Búið að bólusetja börn alla helgina