Í fyrsta skipti í tæpan áratug er ekki mynd af Maó formanni á útgefnum peningaseðlum í Kína. Á nýjum 10 júana peningaseðli er komin mynd af Ólympíuleikvanginum í Peking á framhlið seðilsins en á bakhliðinni er mynd af grískri styttu af kringlukastara.
Alls verða peningaseðlarnir gefnir út í sex milljón eintökum en á öðrum peningaseðlum verður mynd af Maó líkt og undanfarin níu ár, samkvæmt frétt BBC.