Talandi ruslafötur

Borgaryfirvöld í Helsinki í Finnlandi hafa ákveðið að fara nýstárlega leið til þess að draga úr rusli á almannafæri. Verður ruslafötum dreift sem þakka fólki fyrir að henda rusli í þær. Verða ruslaföturnar settar upp þann 22. ágúst og verða þær í notkun út septembermánuð.

Elina Numm, sem stýrir verkefninu segir í samtali við AFP fréttastofuna að yfirvöld í borginni leiti sífellt nýrra leiða til þess að draga úr rusli. Segir hann hugmyndina um talandi ruslafötur skemmtilega og góða.

Um leið og rusli er hent í föturnar þakkar rödd einhvers þekkts Finna viðkomandi fyrir að hafa hent rusli. Jafnframt mun skynjarinn í fötunum telja hve oft þakkirnar eru spilaðar og hversu oft fatan er notuð.

Um mismunandi skilaboð verður að ræða. Til að mynda segir borgarstjórinn í Helsinki, Jussi Pajunen: „Það er frábært hvað þér er annt um borgina. Svalt er það ekki?“

Talandi ruslafötur er þekkt fyrirbæri víða í Evrópu og hafa þær skilað góðum árangri, að sögn Numm. Til að mynda í Berlín og í borgum Bretlands.

• 6 blogg um fréttina

Bloggað um fréttina

• Frikkinn: Harðsnúna Hanna þakkar fyrir sig
• Sigurlaug B. Gröndal: Ruslafötur sem ropa og grenja............
• Jóna Kolbrún Garðarsdóttir: Kiitos kiitos
• Snorri Bergz: Blekkjandi fyrirsögn
• Jenný Anna Baldursdóttir: Af gagnkynhneiðgðu brúðkaupi og borgarfulltrúum;-))
• Bergur Thorberg: Rusl-al-fatah