Pollýanna uppseld

Bókin um Pollýönnu, sem nýlega var endurútgefin hérlendis eftir að hafa verið ófáanleg um tveggja áratuga skeið, er þegar uppseld. Fyrsta prentun bókarinnar er uppseld hjá útgefanda og önnur prentun væntanleg úr Odda á næstu dögum.

Í samtali við Morgunblaðið segist Jakob F. Ásgeirsson bókaútgefandi ekki undrandi á þessum góðu viðtökum, enda sé varla til betri leiðarvísir út úr kreppuástandinu núna en Pollýanna og jákvæður boðskapur hennar. Tekur hann fram að hugmyndin að endurútgáfu bókarinnar hafi einmitt kviknað í kjölfar bankakreppunnar.