Missti af vélinni og „kúlið“ um leið
Setja bókamerki
Eitt vinsælasta myndskeiðið á YouTube er af kínverskri konu sem var of sein í flug. Hún missti af vélinni og í framhaldinu missti hún gjörsamlega stjórn á skapi sínu á alþjóðaflugvellinum í Hong Kong. Atvikið var myndað í bak og fyrir og hefur verið sett á vefinn.
Konan, sem er á miðjum aldri, sést æða í áttina að öryggisverði við brottfararhliðið. Svo heyrist hún öskra og veina úr sér lungun. Þetta stendur yfir í um þrjár mínútur.
Hún leggst á jörðina og þá reynir eldri maður, sem var henni samferða, að fá hana til að standa á fætur. Þá öskrar hún: „Ég vil fara, ég vil fara.“
Flugfélagið Cathay Pacific var hins vegar búið að loka vélarhurðinni og búið að fjarlægja farangurinn hennar. Hún fékk því ekki að fara til San Francisco líkt og til stóð.
„Ekki vera svona æst, ekki vera í svona miklu uppnámi,“ heyrist svo starfsmaður flugfélagsins segja við hana. Atvikið átti sér stað fyrr í þessum mánuði, segir á fréttavef Reuters.
Atvikið má sjá hér.
Íslendingar ein mest einmana þjóð heims
„Þetta er pínu óvanaleg staða“
Mest spennandi kosningar í áratugi
Katrín: Jóhönnustjórnin talaði máli Íslands
Átta morðmál á aðeins tólf mánuðum
Áköf mótmæli í bandarískum háskólum
Fara ekki lengur fram á einangrun yfir Davíð