Ræningjar gómaðir með aðstoð Google

Hollenska lögreglan hefur handtekið tvíburabræður vegna gruns um aðild þeirra að ráni eftir að fórnarlamb þeirra, 14 ára drengur þekkti þá aftur á ljósmynd þar sem sást til bræðranna að veita honum eftirför á Google Earth Street View forritinu.

Lögreglan í Groningen segist halda að þetta sé í fyrsta sinn sem myndir af Street View hafi verið notaðar til að leysa glæpamál í Hollandi og hugsanlega víðar.

Drengurinn tilkynnti lögreglunni í september síðast liðnum að ræningjar hefðu haft af honum sem nemur 165 evrum og farsíma. Tveir menn drógu hann af reiðhjóli í Groningen og rændu hann.

Í mars síðast liðnum skýrði drengurinn frá því að hann hefði séð sjálfan sig á Street View í Groningen og að hann teldi mennina tvo sem rændu hann. Lögreglan þurfti að biðja Google um upprunalegu myndirnar því á Street View eru öll andlit í móðu.

Google afhenti myndirnar og innbrotadeild lögreglunnar kannaðist við mennina á myndinni og saksóknari athugar nú hvort tvíburarnir verði kærðir.

• 2 blogg um fréttina

Bloggað um fréttina

• Eyjólfur Jónsson: Líst vel á þetta
• Ólöf de Bont: Stóri bróðir