Krefst 1.784.000.000.000.000.000.000.000 dala

Það þarf að telja nokkra svona til að komast upp ...
Það þarf að telja nokkra svona til að komast upp í kröfufjárhæð Chiscolms. Reuters

Bandaríkjamaðurinn Dalton Chiscolm kemst að því í dag hvort hann fái að halda áfram með mál fyrir dómstóli í New York en Chiscolm krefst þess að Bank of America greiði sér 1.784 milljarða billjóna dala í bætur fyrir lélega bankaþjónustu. 

Denny Chin, héraðsdómari á Manhattan, sem fékk málið, óskaði eftir því að Chisholm leggði fram frekari gögn til stuðnings kröfu sinni fyrir 23. október en ella yrði málinu vísað frá.  

Fram kemur á fréttavef BBC, að Chin sé ekki óvanur háum fjárhæðum en hann dæmdi nýlega fjársvikarann Bernard Madoff í 150 ára fangelsi fyrir að svíkja tugi milljarða dala út úr viðskiptavinum sínum.  Chin sagði raunar kröfu Chiscolms óskiljanlega enda er krafan sennilega hærri en allir dalir sem til eru í heiminum. 

Kröfufjárhæðin er talan 1784 margfölduð með 10 í 24. veldi eða um það bil 1784 með 21 núlli fyrir aftan. Slík tala er kölluð yotta, samkvæmt alþjóðlegum mælingarstaðli og er notuð til að mæla annað hvort hið afar stóra eða hið örsmáa. 

mbl.is