Snyrti sig undir stýri og ók á

Lögreglumenn ætluðu ekki að trúa eigin augum né eyrum þegar þeir komu að árekstri tveggja bíla sl. fimmtudag á þjóðvegi nærri Key West í Flórída. Undir stýri sat nefnilega 37 ára kona sem ákvað að snyrta „bikiní svæðið“ á miðri leið en fyrrverandi eiginmaður hennar hélt um stýrið úr farþegasætinu.

Konan var á leið að hitta núverandi kærasta sinn og gaf lögreglumönnum þær skýringar, að hún vildi vera tilbúin fyrir fund þeirra.

Þar með var ekki öll sagan sögð því hvorki konan né bíllinn áttu að vera á ferðalagi. Konan hafði deginum áður verið dæmd fyrir að aka undir áhrifum áfengis og án ökuréttinda. Hún var svipt ökuréttindum í fimm ár til viðbótar við fyrri sviptingu auk þess sem henni var skipað að skila bíl sínum til lögreglu til geymslu.

Það vildi til happs að þau óku aftan á stóran pallbíl. Ökumaður hans og farþegi hlutu minniháttar meiðsli, en hefðu eflaust slasast mun meira hefði bifreiðin verið minni.

Konan á yfir höfði sér árs fangelsi fyrir ítrekuð umferðarlagabrot.

• 2 blogg um fréttina

Bloggað um fréttina

• Frikkinn: Sumir vilja ekki hár í matnum.
• Guðrún Una Jónsdóttir: Ekki er öll vitlausan eins