Hringavitleysa sjóarans með ökukortið

Breskar björgunarsveitir urðu að koma manni til hjálpar sem lenti í vandræðum þegar báturinn hans varð eldsneytislaus. Maðurinn hélt að hann væri að sigla meðfram suðurströnd Englands. Annað kom hins vegar á daginn.

Það kom í ljós að maðurinn hafði siglt hvern hringinn á fætur öðrum í kringum eyju, sem er við mynni árinnar Thames.

Sjóarinn var ekki með nein sjókort eða staðsetningarbúnað meðferðis heldur ökukort sem hann reyndi að fylgja eftir. Hann ætlaði að sigla frá Gillingham, sem er um 55 km austur af London, til Southampton 19. apríl sl. með því að fylgja eftir suðurströndinni

Þetta gekk hins vegar ekki eftir. Þess í stað sigldi hann óteljandi hringi um eyjuna, sem er um 100 ferkílómetrar að stærð. 

Björgunarbátur og skip frá landhelgisgæslunni fóru til að aðstoða manninn sem strandaði þegar eldsneytið kláraðist. Þegar þeir spurðu hann hvað hefði gerst þá sagði hann þeim alla sólarsöguna. Hann ætlaði bara að fylgja eftir strandlengjunni, sem hann sá á hægri hönd, og komast þannig á leiðarenda.

• 3 blogg um fréttina

Bloggað um fréttina

• Anna Dóra Gunnarsdóttir: Er hægt að vera svona vitlaus ?
• Axel Jóhann Hallgrímsson: „Það er víðar en hjá fleirum“
• Magnfreð Ingi Ottesen: Hringavitleysa sjóarans með ökukortið