Naktir kúrekar í hár saman

Götulistamaðurinn Robert Burck, sem er þekktari undir listamannsnafninu Nakti kúrekinn, er kominn í hár saman við Nöktu kúrekastelpuna. Hann sakar hana um brot á höfundarétti.

Frá árinu 2001 hefur Burck leikið á gítar og sungið fyrir gesti og gangandi við Times Square í New York. Einkennisklæðnaður hans er hvítur kúrekahattur, hvít lendarskýla og hvít kúrekastígvél. Hann bjó til persónuna fyrir 12 árum og árið 2000 fékk hann nafnið og búninginn skrásett sem vörumerki.

Hann segir að Sandy Cane, sem kemur fram undir listamannsnafninu Nakta kúrekastelpan, sé að hagnast á sínu vörumerki.

Í síðasta mánuði sendi hann Kane, sem er fyrrverandi nektardansmær, bréf þar sem hann krefst þess að hún annaðhvort greiði fyrir afnot af vörumerkinu eða hún hætti að koma fram sem Nakta kúrekastelpan.

Kane, sem klæðir sig á svipaðan máta og Burck, segist ekki skulda Nakta kúrekanum neitt.

• 4 blogg um fréttina

Bloggað um fréttina

• Jarl Sigurgeirsson: Myndbirtingar með fréttum
• Hecademus: Naktir kúrekar
• Ólafur Ragnarsson: " Í hvaða hárum "
• Kristján Jón Sveinbjörnsson: Kántrýdagar á Skagaströnd 13-15 ágúst - með eða án fata