Heimur inni í svartholum

Vísindamaðurinn Nikodem Poplawski heldur því fram að inni í hverju svartholi kunni að finnast alheimur. Vísindamaðurinn er eðlisfræðingur við Indiana háskóla í Bloomington og hefur einbeitt sér að fræðilegri eðlisfræði og hefur unnið að þessum vangaveltum um nokkurt skeið.

Hann segist hafa komist að þeirri niðurstöðu að möguleiki sé á því að heill heimur gæti leynst inni í hverju svartholi sem myndi merkja að okkar heimur kynni einnig að vera inni í svartholi.

„Kannski eru risastór svarthol í miðju vetrarbrautarinnar sem geta brúað bilið inn í aðra heima" segir hann meðal annars í kenningu sinni. Til ítarefna má geta að hann hefur notað Einstein-Cartan-Kibble-Sciama þyngdaraflskenninguna í greiningu sinni og lesa má nánar um athuganir hans í tímaritinu Physics Letters B.

• 1 blogg um fréttina

Bloggað um fréttina

• Jóhann Elíasson: ÁHUGAVERÐ KENNING............