Skurðlæknir barði svæfingalækni

Þýskur skurðlæknir hefur verið dæmdur til að greiða sekt fyrir að berja svæfingalækni meðan þeir voru með sjúkling á skurðarborðinu.

Læknirinn, sem er sérfræðingur á sviði sjúkdóma í eyrum hálsi og nefi, missti stjórn á skapi sínu í apríl í vor og barði svæfingalækninn þannig að hann féll á gólfið. Hjúkrunarfræðingur á sjötugsaldri reyndi að ganga á milli en hlaut einnig meiðsl í átökunum.

Læknirinn gaf þá skýringu á framferði sínu að hann hefði verið þreyttur og hefði þegar gert fimm skurðaðgerðir þennan dag. Hann sagðist vera mjög leiður yfir þessu atviki. Dómarinn sagði að læknir ætti ekki að hegða sér svona og dæmdi hann til að greiða sekt upp á 9.000 evrur og að greiða 3.000 evrur til samtaka sem sinna heimilslausu fólki.

• 1 blogg um fréttina

Bloggað um fréttina

• Axel Jóhann Hallgrímsson: Aðal- og aukaatriði