Gluggagægir handtekinn

Þessi jólasveinn kom hvergi nærri í Kolding á jóladag.
Þessi jólasveinn kom hvergi nærri í Kolding á jóladag. Reuters

Tveir íbúar einbýlishúsahverfisins Grønholtparken í Kolding handtóku gluggagægi á jóladag. Ekki var um að ræða villuráfandi íslenskan jólasvein heldur þarlendan 34 ára karlmann sem undanfarið hefur gægst inn um glugga í hverfinu.

Borgararnir tveir sátu fyrir gluggagæginum í bíl. Þeim tókst að góma kauða og hefur gluggagægirinn verið kærður fyrir velsæmisbrot, að sögn fréttavefjarins JV á Jótlandi. Lögreglunni höfðu borist margar tilkynningar undanfarið um gluggagæginn.

Þá var framið blygðunarsemisbrot á göngustíg við hverfið fyrir skömmu. Borgararnir tveir sem handtóku gluggagæginn höfðu talið líklegt að hann réði illa við sig um jólin og sátu því fyrir honum. Maðurinn birtist svo um miðnætti á stað þar sem hann hafði áður gónt inn um glugga á unga konu sem þar bjó.

Borgararnir tveir eltu manninn, framkvæmdu borgaralega handtöku og kölluðu svo eftir lögreglunni sem handtók manninn. Honum var sleppt eftir að honum var birt ákæra.

mbl.is

Bloggað um fréttina

Fleira áhugavert

Stjörnuspá »

Hrútur

Sign icon Vinur þinn gæti borið undir þig hugmynd að sparnaði í tengslum við ferðalög í dag. Allar fjármálaumræður dagsins geta fært þér hagnað þegar til lengri tíma er litið.
síðasta vika Vinsælustu hljóðbækurnar
1
Laila Brenden
2
Erla Sesselja Jensdóttir
3
Sigríður Dúa Goldsworthy
4
Lars Kepler
Fleira áhugavert

Stjörnuspá »

Hrútur

Sign icon Vinur þinn gæti borið undir þig hugmynd að sparnaði í tengslum við ferðalög í dag. Allar fjármálaumræður dagsins geta fært þér hagnað þegar til lengri tíma er litið.
síðasta vika Vinsælustu hljóðbækurnar
1
Laila Brenden
2
Erla Sesselja Jensdóttir
3
Sigríður Dúa Goldsworthy
4
Lars Kepler