Grunlaus nunna eignaðist son

Nunna sem eignaðist lítinn dreng í ítölsku borginni Rieti í vikunni segir að hún hafi ekki haft hugmynd um að hún væri ólétt. Hún var flutt í skyndi á sjúkrahús með kviðverki sl. miðvikudag, en hún taldi að um magakrampa væri að ræða.

Nunnan, sem er 31 árs gömul frá El Salvador, hefur nefnt drenginn Frans í höfuðið á núverandi páfa. 

Simone Petraneli, borgarstjóri Rieti, hefur beðið almenning og fjölmiðla um að virða einkalíf konunnar, að því er segir á vef breska útvarpsins.

Þar kemur jafnframt fram, að málið hafi vakið heimsathygli og beinist kastljós fjölmiðlanna að smábænum, en íbúar eru 47.000 talsins. 

Nunnan óskaði eftir aðstoð sjúkrabíls sl. miðvikudagsmorgun. Nokkrum klukkustundum síðar eignaðist hún heilbrigðan lítinn dreng. 

„Ég vissi ekki að ég væri ólett. Ég fann aðeins fyrir kviðverkjum,“ hefur ítalska fréttastofan ANSA eftir henni.

Starfsfólk sjúkrahússins hefur hafið að safna bæði fatnaði og fé til handa móðurinni og syni hennar. 

• 3 blogg um fréttina

Bloggað um fréttina

• Wilhelm Emilsson: Stríðni Moggans
• Júlíus Már Baldursson: Eingetinn?
• Jóhannes Ragnarsson: Frelsarinn endurfæddur til að frelsa mannkynið frá kapítalismanum