Verslun í Þýskalandi hefur látið farga tæplega 5.000 bollum. Á bollunum var mynd af Adolf Hitler. Myndin var á frímerki á bollanum og stimpill á frímerkinu í formi hakakross.
Eigendur verslunarinnar hafa beðist afsökunar á mistökunum. Þeir segja að hönnuður kínversku bollanna hafi fyrir mistök valið myndina af Hitler. Enginn kom auga á myndina þegar bollarnir voru teknir upp úr kössunum. 175 bollar voru seldir áður en í ljós kom að Hitler prýddi bollann.
Viðskiptavinirnir sem keyptu bollana 175 stendur til boða endurgreiðsla. Hinum, 4.825, hefur verið fargað.