Yfirvöld í Bretlandi rannsaka nú dómara í landinu eftir að tilkynnt var um að hann hafi sofnað í miðjum málflutningi. Málið varðaði meint kynferðisbrot á ungu barni. Á dómarinn að hafa sofnað á meðan meint fórnarlamb sagði frá því hvernig hann hafi verið misnotaður kynferðislega.
Hefur hlé nú verið gert á málinu á meðan rannsóknin stendur yfir. Dómarinn í málinu er gamalreyndur og virtur dómari í Manchester-borg. Hann var meðal annars dómari í stórum málum sem spruttu upp í kjölfarið á óeirðunum í Oldham árið 2001.