Um 200.000 Danir neyta áfengis í svo miklum mæli, að þeir þurfa á áfengismeðferð að halda og um hálf milljón Dana drekkur meira áfengi en heilbrigðisyfirvöld mæla með. Þrátt fyrir fara aðeins um 17.500 manns í áfengismeðferð ár hvert, að því er greint er frá í frétt Berlingske Tidende.

Þar er haft eftir sérfræðingum að mikið misræmi sé milli fjölda áfengissjúkra og möguleika til að komast í meðferð. Segja sérfræðingar að í landinu skorti heildarsýn í þessum málum og þau einkennist af tilviljanakenndum aðgerðum og skorti á úrræðum.

Margir óska ekki eftir meðferð, vegna þess að það þykir skammarlegt að eiga við áfengisvanda að stríða, en málið snýst einnig um það að meðferðarúrræði eru ekki nægilega mikil eða nógu góð, að því er Kit Broholm ráðgjafi í danska heilbrigðiskerfinu segir. Segir Broholm að læknar og sjúkrahús, sem bendi sjúklingum á meðferð, hafi ekki trú á að þær gagnist þeim.