Erlent | AFP | 25.9.2004 | 8:37

Barnaníðingur dæmdur í 100 ára fangelsi

HIV-smitaður karlmaður, sem tók myndband af sér misþyrma börnum í Suður-Ameríku kynferðislega, var í gær dæmdur í 100 ára fangelsi á Flórída í Bandaríkjunum.

„Árum saman olli sakborningurinn ungum, saklausum fórnarlömbum óbætanlegum skaða," sagði Marcos Daniel Jimenez, saksóknari. „Rándýr af þessu tagi hafa nú fengið að vita að þeim verður refsað harðlega."

Angel Rafael Mariscal var dæmdur í 100 ára fangelsi fyrir að misþyrma börnum svo hann gæti selt barnaklám. Saksóknarar sögðu að Mariscal hefði á sjö ára tímabili oft farið til Ekvador og Kúbu þar sem hann tók myndbönd af sér misþyrma börnum kynferðislega. Sum barnanna voru undir 12 ára aldri en saksóknarar sögðu að tekist hefði að útvega fæðingarvottorð frá stjórnvöldum á Kúbu.

Saksóknarar sögðu einnig, að Mariscal hefði neytt börnin til kynmaka þótt hann hafi vitað frá árinu 1994 að hann var HIV-smitaður. Ekki er vitað til að neitt barnanna hafi smitast.

Mariscal seldi myndbandsspólurnar sem hann bjó til á 595 til 995 dali.

Erlent »

Fimmtungur sett kynferðislegar myndir á netið

Í gær, 23:46 Fimmtungur sænskra ungmenna hefur sent öðrum myndir af sér í kynferðislegum stellingum í gegnum internetið og af þeim hafa 11% stúlkna gert það vegna þess að þeim fannst þær tilneyddar til þess. Þetta er á meðal niðurstaðna nýrrar könnunar í Svíþjóð. Meira

Frakkar ætla frá Afganistan

Í gær, 22:11 Francois Hollande, forseti Frakklands, segir Frakka hafa gert meira en skyldu sína í Afganistan. Hann segir að áætlun um að draga herlið Frakka út úr landinu muni liggja fyrir á næstu dögum og að það verði væntanlega ekki síðar en í lok ársins. Meira

Harður jarðskjálfti í Búlgaríu

01:50 Jarðskjálfti, sem mældist 5,8 stig, varð í Búlgaríu skömmu eftir miðnætti að íslenskum tíma. Ekki er vitað um tjón en margir eftirskjálftar hafa fylgt í kjölfarið. Meira

Vilja merkja vörur frá Ísrael

Villy Søvndal, utanríkisráðherra Danmerkur.

Í gær, 21:20 Dönsk stjórnvöld hafa í hyggju að merkja sérstaklega vörur sem framleiddar eru í landnemabyggðum gyðinga á Vesturbakkanum. Þetta er haft eftir Villy Søvndal, utanríkisráðherra Danmerkur, í danska dagblaðinu Politiken. Meira

Vonir Le Pens um þingsæti í uppnámi

Marine Le Pen, leiðtogi frönsku Þjóðfylkingarinnar.

Í gær, 21:09 Vonir leiðtoga frönsku Þjóðfylkingarinnar (Front National), Marine Le Pen, um að ná í fyrsta sinn fulltrúa inn á franska þingið kunna að verða að engu ef marka má niðurstöður nýrrar skoðanakönnunar í Frakklandi en þingkosningar fara fram í landinu 17. júní næstkomandi. Meira

Myrti bróður sinn og sundurlimaði

Í gær, 21:52 Rúmlega fertugur danskur karlmaður var í dag dæmdur fyrir að hafa myrt eldri bróður sinn og að því búnu hlutað lík hans í sundur. Meira

Egyptar kjósa forseta

Egypt's Brotherhood goes into election hamstrung

Í gær, 21:10 Egyptar ganga að kjörborðinu á miðvikudag og fimmtudag og kjósa sér forseta. Hershöfðingjaráð landsins hvetur landsmenn til að virða niðurstöður kosninganna. Fái enginn frambjóðendanna hreinan meirihluta verður kosið aftur á milli þeirra efstu. Meira

Grikkir fá 23% lægri laun

Í gær, 20:52 Grikkir fá að meðaltali 23% minna útborgað í ár, en þeir fengu í fyrra vegna samninga sem gríska ríkisstjórnin gerði við Evrópusambandið og Alþjóðagjaldeyrissjóðinn um aðgerðir gegn skuldavanda. Meira

Varar Breta við íslenskri einangrun

Kenneth Clarke, dómsmálaráðherra Bretlands.

Í gær, 19:31 „Mér kemur ekkert til hugar sem er eins óviðkomandi núverandi stöðu mála né nokkuð sem væri eins hörmulegt og ef Bretar segðu skilið við Evrópusambandið og tækju þá ákvörðun að nú væri rétti tíminn til þess að koma sér í frábæra einangrun ásamt Íslandi og fleirum.“ Meira

Getnir eftir andlát föður og arflausir

Í gær, 18:15 Hæstiréttur í Bandaríkjunum úrskurðaði í dag að tvíburar, sem getnir voru með glasafrjóvgun eftir andlát föður þeirra, væru ekki réttmætir erfingjar hans. Karen Capato, móðir þeirra fæddi þá 18 mánuðum eftir lát hans, en hann hafði látið frysta sæði sitt. Meira

Margir heimilislausir eftir skjálfta

Klukkuturn í Modena héraði skemmdist í skjálftanum.

Í gær, 18:50 Þúsundir íbúa Norðaustur-Ítalíu búa sig undir að verja annarri nóttinni í röð í tjöldum og bifreiðum eftir að öflugur jarðskjálfti reið þar yfir í gær með þeim afleiðingum að sex létu lífið og miklar skemmdir urðu á mannvirkjum. Meira

Fimm stjörnu flokkurinn vann sigur

Í gær, 18:02 Nokkuð óvænt úrslit urðu í sveitarstjórnarkosningum í norðurhluta Parma-héraðs á Ítalíu í dag, þegar „Fimm stjörnu flokkurinn“ undir forystu grínistans Beppe Grillo, fékk 60% atkvæða. Meira

Dæmdur fyrir upptöku af herbergisfélaga

Í gær, 17:27 Tvítugur indverskur námsmaður í Bandaríkjunum, Dharun Ravi, hefur verið dæmdur í 30 daga fangelsi 300 daga samfélagsvinnu fyrir að hafa notað vefmyndavél til þess að gera upptöku af herbergisfélaga sínum þar sem hann kyssti annan karlmann í september 2010. Meira

Óttast blóðuga borgarastyrjöld

Í gær, 16:43 Ban Ki-moon, framkvæmdastjóri Sameinuðu þjóðanna, varaði við því í dag að nú væri ögurstund í friðarumleitunum í Sýrlandi og sagðist hafa af því þungar áhyggur að blóðug borgarastyrjöld brytist út, nái deiluaðilar ekki saman. Meira

Vilja Grikki áfram á evrusvæðinu

Í gær, 16:14 Stjórnvöld í Þýskalandi og Frakklandi hétu því í dag að gera „allt sem þau gætu“ til að Grikkir yrðu áfram á evrusvæðinu, en gríðarlegar skuldir þeirra hafa orðið tilefni vangaveltna um að þeir yrðu útilokaðir þaðan. Meira

Mannskætt rútuslys í Albaníu

Í gær, 16:44 Í það minnsta ellefu eru látnir og 22 alvarlega slasaðir eftir að rúta keyrði fram af bjargbrún í Himara í Albaníu, um 220 km frá höfuðborginni Tírana. Meira

Kastaði börnum sínum fram af svölum

Fjölskyldan bjó í þessari byggingu í bænum Brescia.

Í gær, 16:19 Ítalskur faðir í fjárhagserfiðleikum myrti tvö ung börn sín með því að henda þeim fram af svölum sjöttu hæðar íbúðarhúss. Hann fyrirfór sér síðan með því að stökkva fram af svölunum. Meira

Vatnið var rautt af blóði

Frá réttarhöldunum yfir norska fjöldamorðingjanum Anders Behring Breivik.

Í gær, 15:54 Viðstadda setti hljóða í réttarsal númer 250 í húsi héraðsdómsins í Ósló þegar ungmenni, sem sluppu undan byssukúlum norska fjöldamorðingjans Anders Behrings Breiviks 22. júlí í fyrra, lýstu upplifun sinni frá þessum skelfilega degi. Meira