Letourneau, sem er 43 ára gömul, og Vili Fualaau, sem er 22 ára eiga tvær dætur saman, en þau tóku saman aftur eftir að Letourneau var látin laus úr fangelsi í ágúst í fyrra. Dómari ógilti nokkru síðar úrskurð um að þau mættu ekki hittast. Vinur fjölskyldunnar segir í viðtali við dagblað í Seattle að brúðkaupið verði í apríl og að meira en 200 manns hafi verið boðið.

Letourneau og Fualaau hafa lýst því yfir opinberlega að þau elski hvort annað í fjölmörgum viðtölum, en Letouneau var dæmd fyrir að hafa nauðgað barni tvisvar. Lögregla í Des Moines í Washington kom að þeim í bíl saman árið 1996 en þá var Letouneau 34 ára en Fualaau 12 ára. Eiginmaður hennar skyldi síðar við hana og flutti til Alaska með börnin þeirra fjögur.

Hún var dæmd í fangelsi 1997, þá barnshafandi eftir Fualaau. Hún var látin laus 1998 en skipað að halda sig frá drengnum. Var hún svo handtekin minna en mánuði síðar þegar þau náðust saman í bíl hennar. Hún var send aftur í fangelsi þar sem hún fæddi annað barn þeirra en þar sat hún þar til í ágúst í fyrra. Dætur þeirra eru nú 6 og 7 ára og búa hjá móður Fualaau. Mál þeirra hefur vakið mikla athygli í Bandaríkjunum, og hafa verið skrifað um það bækur og gerð sjónvarpsmynd.